لاہور۔6مئی(اے پی پی)وزیراعلیٰ پنجاب سردار عثمان بزدار آکھیے جو وزیراعظم عمران خان دا 50 لکھ گھراں دا وعدہ تیکھے حقیقت اچ بدلدا پئے، پرائم منسٹرافورڈ ایبل ہاؤسنگ پراجیکٹ دے تحت صوبے دے مختلف شہراں اچ 133 مقامات دی نشاندہی کیتی ڳئی اے، پہلے مرحلے اچ 26 تحصیلاں اچ 32 ڄاہیں تے 10 ہزار 120 گھر بݨسن، 10 ڄاہیں رائیونڈ، چونیاں، منڈی بہاؤالدین، میانوالی، خوشاب، سرگودھا، چنیوٹ، خانیوال، ملتان اتے ڈیرہ غازی خان اچ پرائم منسٹر افورڈ ایبل ہاؤسنگ پراجیکٹ دا افتتاح کیتا ڳئے، پنجاب دیاں ٻیاں تحصیلاں اچ وی منصوبہ چروع کرݨ دی تیاری اے۔ انہاں آکھیے جو منصوبے اچ گھر دا رقبہ 3 توں ودھا تے ساݙھے 3 مرلے کر ݙتا ڳئے جیندی امدادی قیمت 30 توں 35 ہزار روپے فی مرلہ رکھی گئی اے۔ اے ڳالھ انہاں لاہور اچ میں پرائم منسٹر افورڈایبل ہاﺅسنگ پراجیکٹ دا منڈھ بڈھݨ ویلھے تقریب نال خطابا چ آکھی۔ انہاں آکھیا جو ہر گھر دی کل لاقت تقریبا14 لکھ 30 ہزار روپے اے، درخواست گزار ہک لکھ 43 ہزار روپے جمع کرویسی باقی رقم 10 لکھ روپے بنک آف پنجاب ݙیسی اتے ایندی ماہانہ قسط تقریبا 10ہزار روپے رکھی گئی اے۔ حکومت پاکستان ہر گھر کیتے 3لکھ روپے سبسڈی ݙیسی اتے اے 14 لکھ دا گھر صرف 11 لکھ روپے اچ ملسی۔ انہاں آکھیا جو منصوبے اچ شفافیت، معیار اتے ویلھے تے بݨاوݨ ترجیح اے اتے منصوبے دی تکمیل دا کم ایف ڈبلیو او کوں ݙتا ڳئے، صوبائی کابینہ منصوبے کیتے انفراسٹرکچر لو 3 ارب روپے دی منظوری ݙتی اے جیندے نال سڑکاں اتے بیا کم کیتا ویسی۔
