نیا پاکستان ہائوسنگ پروگرام نال غریب آدمی دا اپݨی چھت دا خواب پورا تھیسی، وفاقی وزیرسید فخر امام

خانیوال۔6مئی(اے پی پی)خانیوال سودھا صوبہ دے 9 اضلاع دے 10 علاقیاں اچ نیا پاکستان ہائوسنگ پروگرام شروع کر ڈتا ڳئے۔ وزیر اعظم عمران خان ویڈیو لنک تے پروگرام دا افتتاح کیتے۔ پروگرام نال ڳھٹ آمدن آلے بے گھر لوکاں کوں ساݙھے 3 مرلہ دا رہائشی مکان سوکھیاں قسطاں تے 14 لکھ روپے اچ ݙتا ویسی۔ ایں سانڳے وفاقی وزیر نیشنل فوڈ سیکورٹی سید فخر امام شاہ خانیوال اچ وزیر اعظم ولوں تختی دی نقاب کشائی کیتی جیندے کیتے لاہور موڑ مخدوم پور روڈ تے 38 کنال 7 4  مرلے رقبہ ݙتا ڳئے۔ وفاقی وزیر آکھیا جو غریب اتے بے گھر افراد ہݨ تیکھے اپݨے گھر دے مالک ہوسن، ڳھٹ آمدنی آلے لوکاں کیتے نیا پاکستان ہائوسنگ پروگرام حکومت دا وݙا پروگرام اے۔