اسلام آباد۔8مئی(اے پی پی)وزیراعظم دے دورہ سعودی عرب اتے انہاں دی سعودی فرماںروا محمد بن سلمان نال تھیوݨ آلی ملاقات دے حوالے نال مشترکہ اعلامیہ جاری کر ݙتا ڳئے جیندے اچ ݙسایا ڳئے جو ݙوہاں رہنماواں ون آن ون اتے وفود دی سطح تے ملاقات کیتی۔ پاکستان اتے سعودی عرب وچال تجارت و سرمایہ کاری سودھا مختلف شعبیاں اچ معاہدے اتے ایم او یو تے دستخط کیتے ڳین۔ انہاں ݙوطرفہ 5 معاہدیاں اتے 3 مفاہمتی یادداشتاں اچ سزا یافتہ مجرماں دا تبادلہ، جرائم دے خلاف مشترکہ تعاون، میݙیا، ماحولیات و توانائی دے معاہدے شامل ہین۔ وفود دی سطح تے ڳالھ مہاڑ اچ توانائی منصوبیاں کیتے فریم ورک اتے انسداد منشیات و سمگلنگ دی مفاہمتی یادداشت تے وی دستخط کیتے ڳین۔ ݙوہیں ملکاں سعودی عرب اتے پاکستان سپریم کوآرڈی نیشن کونسل بݨاوݨ دا معاہدہ وی کیتے۔ ݙوہاں رہنمواں اپݨی ملاقات اچ پاکستان اچ توانائی، مواصلات، ٹرانسپورٹ دے شعباں اچ 50 کروڑ ڈالر دی مالی اعانت دے فریم ورک دی مفاہمتی یادداشت سودھا باہمی معاہدیاں تے دستخط کیتے۔ ملاقات اچ ݙو طرفہ سیاسی، اقتصادی، تجارتی، دفاعی اتے امن و سلامتی دے شعباں اچ ڳانڈھا ودھاوݨ کتیے رل مل تے کوششاں کرݨ تے اتفاق کیتا ڳئے۔ انہاں مسئلہ کشمیر دے پر امن حل اتے افغانستان امن مفاہمتی عمل تے وی الایا۔ ݙوہیں پاسو جرائم روکݨم سزا یافتہ قیدیاں دی منتقلی، انسداد منشیات، توانائی، پن بجلی گھر سودھا مختلف معاہدیاں اتے مفاہمت دی یادداشتوں تے وی دستخط کیتے ڳین۔
