وزیراعظم عمران خان دا دورہ سعودی عرب، 25 ویں روزے کوں سعودی عرب ویسن

اسلام آباد۔4مئی(اے پی پی( وزیراعظم عمران خان دے دورہ سعودی عرب دا شیڈول جاری کر ݙتا ڳئے۔ وفاقی وزیراطلاعات و نشریات چوہدری فواد چودھری آکھیے جو وزیراعظم عمران خان 25ویں روزے کوں سعودی عرب ویسن جتھاں او سعودی قیادت نال ملسن اتے عمرہ وی ادا کریسن۔ انہاں آکھیا جو وزیراعظم اپݨے دورہ سعودی عرب اچ ملک وقوم اتے امت مسلمہ کیتے خصوصی دعائیں وی کریسن۔ پریس کانفرنس اچ انہاں ݙسایا جو وزیراعظم عمران خان دا دورہ سعودی عرب ٻہوں اہم اے، ایندے نال ݙوہاں ملکاں دے تعلقات ٻئے تکڑے تھیسن۔ او سعودی ولی عہد شہزادہ محمد بن سلمان دی خصوصی دعوت تے ویندے پین۔