وزیراعظم عمران خان دی زیر صدارت صوبہ پنجاب اچ ڳھٹ آمدنی آلے طبقے کیتے ڳھٹ لاگت گھراں دے منصوبیاں تے اجلاس

لاہور۔6مئی(اے پی پی)وزیراعظم عمران خان آکھیے جو نیا پاکستان ہائوسنگ پراجیکٹ اچ وفاقی حکومت پورا ہتھ ونݙیسی۔ اے ڳالھ انہاں لاہور اچ صوبہ پنجاب اچ ڳھٹ آمدن آلے طبقے کیتے ڳھٹ لاگت گھراں دے منصوبے بارے اجلاس دی اڳواݨی کریندے آکھی۔ وزیر مملکت برائے اطلاعات فرخ حبیب، وزیر اعلی پنجاب سردار عثمان بزدار، صوبائی وزیر برائے ہاوسنگ میاں محمودالرشید، صوبائی وزیر برائے خزانہ مخدوم ہاشم جواں بخت، چیئرمین نیا پاکستان ہاوسنگ اینڈ ڈویلپمنٹ اتھارٹی لیفٹننٹ جنرل ( ر ) انور علی حیدر اتے سینئر افسران اجلاس اچ موجود ہن۔ اجلاس اچ پنجاب ہائوسنگ اینڈ ٹاؤن پلاننگ ایجنسی کوں سبسڈیز، بینک فنانسنگ اتے افرادی قوت سانڳے تجویزاں ݙتیاں ڳین۔ اجلاس اچ گھراں دی ضروریات،عید دے بعد بیلٹنگ اتے گھراں دی تعمیر اچ نجی شعبے دے اشتراک تے بریفنگ ڈتی ڳئی۔ نجی شعبے دی منسوبے اچ ساڄھے داری کیتے صوبائی حکومت دے اقدامات دا ݙسایا ڳئے۔