مکہ مکرمہ۔9مئی(اے پی پی)وزیر اعظم عمران خان وفد دے کٹھے عمرہ کیتے اتے بیت اللہ اچ نوافل پڑھین۔ طواف کوݨ توں پہلے وزیر اعظم عمران خان کیتے خانہ کعبہ دے دروازے خاس طور تے کھلویے ڳین جتھاں انہان زیارت کیتی اتے نوافل پڑھݨ توں علاوہ امت مسلمہ، ملکی ترقی و سلامتی کیتے دعا منڳی۔ ایں توں پہلے مدینہ منورہ اچ وزیراعظم کوں مسجد نبوی اچ خصوصی طور تے روضہ رسول صلیٰ اللہ و علیہٰ وآلہٰ وسلم دی زیارت دا شرف وی ملیے جیکوں “الحجرت النبویات الشریفہ” وی آہدن۔ وزیراعظم روضہ رسول صلی اللہ علیہ وآلہ وسلم تے ہدیہ عقیدت پیش کیتے۔ وزیر اعظم دے نال وفد اچ وزیر خارجہ شاہ محمود قریشی ، وزیر داخلہ شیخ رشید احمد ، گورنر سندھ عمران اسماعیل ، خیبر پختونخوا دے گورنر شاہ فرمان ، سینیٹر فیصل جاوید اتے پنجاب دے سینئر وزیر عبدالعلیم خان وی شامل ہین۔
