اسلام آباد۔12مئی(اے پی پی)وزیر داخلہ شیخ رشید احمد آکھیے جو کابینہ کمیٹی شہباز شریف دا ناں ای سی ایل اچ پاوݨ دا فیصلہ کیتے، شہباز شریف حدیبیہ پیپر ملز دے ݙر توں بھڄدے پین۔ اے ڳالھ انہاں اسلام آباد اچ مشیر احتساب و داخلہ بیرسٹر شہزاد اکبر دے کٹھے ہک پریس کانفرنس اچ آکھی۔ انہاں آکھیا جو کابینہ کمیٹی دا اجلاس تھئے جیندے اچ ای سی ایل دی فہرست اتے نیب سفارشات دا جائزہ ڳھدے اتے شہباز شریف دا ای سی ایل اچ نان پاوݨ دی سفارش کیتی اے، ایندا حتمی فیصلہ وفاقی کابینہ کریسی۔ وزیرداخلہ آکھیے جو شریف ٹبر دے 5 ڄݨے ایں کیس اچ مفرور ہین، سارے 14 ملزمان دے نام ای سی ایل اچ ہین ول صرف ہک دا ناں کݙھݨ کیتے خاص اقدامات نئیں تھی سڳدے، شہباز شریف فیصلے تے اپیل کرسڳسن جیندے تے وزارت داخلہ 90 ݙینھ دے اندرو فیصلہ کریسی۔ انہاں آکھیا جو ٹی ایل پی بارے فیصلے تے نظر ثانی دی تانڳھ اے، 16 ایم پی او دے تحت گرفتار 1677 لوکاں دے ناں کݙھین، 1074 کوں عدالت چھوڑیے، 280 مقدمات دا فیصلہ وی عدالت ہی کریسی، سعودی عرب نال معاہدے توں بعد 1100 پاکستانی قیدی وطن ولسن۔ انہاں غزہ اتے کشمیر اچ مظالم دی مذمت کیتی۔
