اسلام آباد۔11جون (اے پی پی) آئندے مالی سال 22-2021 دے سرکاری شعبہ دے ترقیاتی پروگرام اچ انسانی حقوق ڈویژن دی 10 جاری اتے 3 نویں سکیماں سانڳے مجموعی طور تے 279.200 ملین روپے رکھیے ڳئن۔جمعے کوں جاری تھیے اعدادوشمار دے مطابق 10 جاری ترقیاتی سکیماں سانڳے 225.600 ملین روپے جڈانجو ترائے نویں سکیماں سانڳے 53.600 ملین روپے رکھیے گئن۔ ہیومن رائٹس انفارمیشن مینجمنٹ سسٹم (ایچ آر آئی ایم ایس) دے قیام سانڳے 29.300 ملین روپے، انسانی حقوق دی آگاہی پروگرام سانڳے 36 ملین روپے، اسلام آباد اچ ٹرانس جنڈر پروٹیکشن سنٹر سانڳے 15.800 ملین روپے، لاہور،کراچی، پشاور اتے کوئٹہ اچ انسانی حقوق دے علاقائی ڈائریکٹوریٹ دے مضبوط بݨاوݨ سانڳے 26.500 ملین روپے اتے بئے منصوبیاں سانڳے وی رقم رکھی ڳئی اے۔ اینویں ای ترائے نویں منصوبیاں دے تحت وزارت انسانی حقوق اچ پراجیکٹ پلاننگ اینڈ مانیٹرنگ یونٹ (پی ایم یو) دے قیام سانڳے رکھیے ڳئن۔