اقوام متحدہ۔15جون (اے پی پی):اقوام متحدہ چتاوݨی ݙتی اے افغانستان توں غیر ملکی افواج دے انخلا دے بعد پیدا تھیوݨ آلی تشدد دی ممکنہ لہر دی وجہ توں مزید لوگ بے گھر تھی سڳدن ۔جرمن نشریاتی ادارے دے مطابق عالمی ادارے دے مہاجرین متعلق ادارے دے سربراہ فلپو گرانڈی آکھیے جو ایں ممکن پیش رفت دے مد نظر خصوصی منصوبہ تیار کر ڳھدا ڳئے تاں جو حالات قابو توں باہر نہ ہوون۔ افغانستان اچ بے گھر لوکاں دی تعداد4.8ملین اے جݙاں جو ݙھائی ملین افغان ملک بدر تھیوݨ تے وی مجبور تھئن۔ طے شدہ پروگرام دے تحت 11ستمبر تئیں افغانستان توں ساری غیر ملکی فوج دا انخلا تھیسی۔
