اسلام آباد۔15جون(اے پی پی)وفاقی وزیر برائے قانون و انصاف سینیٹر ڈاکٹر بیرسٹر فروغ نسیم آکھیے جو اپوزیشن اتھ حکومت وچال معیشت تے مباحثہ تھیوݨا چاہیدے، اپوزیشن اپݨی معاشی ٹیم ڳھن آوے جیڑھی میݙیا تے حکومتی معاشی ٹیم نال مباحثہ کرے، ٹیکس چوری عوام دشمنی اے، حکومت اپوزیشن رہنماواں تے کوئی مقدمہ نئیں ٻݨایا اتے حکومت بچت سودھا ٻئے اقدامات کر تے معیشت کوں راہ تے سٹ ݙتے۔ سینیٹ اجلاس اچ الیندے انہاں آکھیا جو حکومت، اپوزیشن دی ٹھوس اتے جامع تجاویز دا خیر مقدم کریسی، انکم ٹیکس آرڈیننس، سیلز ٹیکس اچ گرفتاری سانڳے تجویز ولا ڳھنسوں، بجٹ اچ عوام دے خلاف کوئی شئے کائنی، جیکر درست ٹیکس ادائیگی تھئی تاں معیشت وی ترقی کریسی، کیس بݨاوݨ اچ نیب، ایف آئی اے یا اینٹی کرپشن آزاد ہین، جیکر کہیں کوں مقدمیاں تے دفاع کرݨے تاں عدالتاں اچ ونڄن، حکومت دا شہباز شریف توں ایف آئی دی پچھ پرتیت نال کوئی تعلق کائنی، اعدادشمار اچ کوئی وی جعلسازی ناقابل قبول اے۔
