اسلام آباد۔15جون (اے پی پی):چیئرمین سینیٹ محمد صادق سنجرانی آکھیے جو موجودہ دور اچ جمہوری اقداردے ودھارے کیتے پارلیمان دا کردار انتہائی اہم اے، پاکستان جمہوریت دے ودھارے کیتے بے شمار قربانیاں پیش کیتیاں ، جدید دور اچ بے شمار چیلنجز دا سامݨا اے جنہاں نال نبݨݨ کیتے بنیادی معلومات و حقائق توں آگاہی ضروری اے۔ اے ڳالھ انہاں منگل کوں نویں منتخب اراکین سینیٹ کوں سینیٹ قواعد وضوابط بارے آگاہی اتے پارلیمانی امور متعلق تربیت ݙیوݨ کیتے ادارہ برائے پارلیمانی خدمات اچ منعقدہ ورکشاپ توں خطاب کریندے ہوئیں آکھی اے ۔ چیئرمین سینیٹ آکھیے جو نویں منتخب اراکین سینیٹ کوں ادارہ پارلیمانی خدمات توں تربیتی عمل اچ خوش آمدید آکھداں ، ایجھے تربیتی پروگراماں دی ٻہوں اہمیت اے ، نویں ممبران سینیٹ اتے کمیٹیاں دے چیئرمیناں کیتے ایجھے تربیتی کورس دا انعقاد ضروری اے۔
