اسلام آباد۔12جون (اے پی پی):وفاقی وزیر انسانی حقوق ڈاکٹر شیریں مزاری آکھیے جو تحریک انصاف دی حکومت آندی نسل دی حفاظت کیتے پرعزم اے ۔ ہفتے دے ݙینھ چائلڈ لیبر دے خلاف عالمی ݙینھ دے موقع تے ویڈیو پیغام اچ انہاں آکھیے جو اساکوں مستقبل دی نسل کوں تحفظ ݙیوݨ دے آپݨے عزم دا اعادہ کرݨا چاہیدے اتے ایں ڳال کوں یقینی بݨاوݨا چاہیدے جو ہر ٻال کوں تعلیم حاصل کرݨ دے موقع ݙتے ویسن ،موجودہ حکومت اسلام آباد کیپیٹل ٹیریٹری اچ گھریلو چائلڈ لیبر تے پابندی لاوݨ چائلڈ ایمپلائمنٹ ایکٹ1991دے شیڈول۔1 اچ ترمیم کیتی اے ، صوبے صرف صوبائی اسمبلی دی قرارداد دے ذریعے ہی ایکوں اپنا سڳدن ،وزارت انسانی حقوق ملک اچ ٻالاں دے حقوق دے تحفظ کیتے قوانین اتے اداراتی طریقہ کار کوں مستحکم کرݨ تے کم کریندی پئی اے ۔
