اسلام آباد۔12جون (اے پی پی):وزیر مملکت اطلاعات و نشریات فرخ حبیب آکھیے جو سوائے اپوزیشن دے ملک اچ وسݨ آلے ہر طبقے مالی سال 2021-22 کوں عوام،کاروباردوست اتے متوازن بجٹ قرار ݙتے ، بلاول اتے شہباز شریف اپݨی قیادت اچ بجٹ تقریر دے دوران ہنگامہ آرائی اتے ہلڑ بازی کرویندے رہیے ، ٻہوں اہم موقع تے عوام دی بہتری اتے ملک دی ترقی دے حوالے نال بجٹ دا ھک لوظ وی نی سݨیا ہݨ ہوا اچ تیر نہ مارن، مزدور،تنخواہ دار طبقہ، صنعت کار ، کسان ساریں ایندی تعریف کیتی اے ۔ ہفتے کوں بلاول زرداری دے بیان تے ردعمل اتے اپݨے ٹویٹ اچ وزیرمملکت فرخ حبیب آکھیے جو وزیراعظم عمران خان 40 توں 60 لکھ گھراݨے کوں آپݨے پیراں تے کھڑا کرݨ کیتے کامیاب پاکستان پروگرام شروع کیتے جیں دے تحت ہر گھراݨے کوں کاروبار کیتے 5 لکھ بغیر سود قرضہ ݙتا ڳئے،کاشت کار کوں ہر فصل کیتے بغیر سود 1.5 لکھ، مشینری2 لکھ قرض بلاد سود ݙتا ویسی ،وزیراعظم عمران خان کوں پسے ہوئے طبقات دا احساس اے، ایں کیتے احساس کیش پروگرام، سالانہ 50 ہزاراحساس انڈر گریجوایٹ سکالرشپس، لنگر خانے، پناہ گاہیں قائم کیتیاں، انہاں دی ہدایات تےاحساس پروگرام اچ 210 ارب کوں ودھا تے 260 ارب کرݙتا ڳئے ۔
