لاہور۔15جون(اے پی پی)صوبائی وزیر صحت پنجاب ڈاکٹریاسمین راشد بیرون ملک پاکستانیاں کیتے خوشخبری سݨا ݙتی۔ لاہور اچ ہک اجلاس دی اڳواݨی کریندے صوبائی وزیر صحت پنجاب اچ ویکسینیشن دے عمل دا جائزہ ڳھدا اتے آکھیا جو ویکیسن دی کوئی کمی کائنی، سارے اضلاع اچ ویکسین موجود اے، ٻئی ویکیسن وی تیکھے آویسی، 16 جون توں ایکسپو سنٹر لاہور اچ بیرون ملک ونڄݨ آلے 40 سال توں ڳھٹ عمر دے لوکاں کوں آسٹرا زینیکا ویکسین لاوݨ شروع تھیسی ایندے کیتے سارے ڈپٹی کمشنراں کوں ہدایات ݙے ݙتن، ویکیسن موبائل ویکسین یونٹس توں وی لائی ویسی اتے صوبے اچ روزانہ 2 لکھ 40 ہزار توں ودھ ویکیسن لائی ویندی پئی اے ڄݙاں جو فائزر ویکسین مختلف بیماریاں دے شکار لوکاں کوں ترجیحی بنیاد تے لائی ویسی۔
