وزیراعظم عمران خان دا سندھ دے 14پسماندہ ترین ضلعیاں دی سماجی تے معاشی ترقی سانڳے 446 ارب لاگت دا پیکیج ہک تحفہ اے، فرخ حبیب

اسلام آباد۔14جون (اے پی پی) وزیر مملکت اطلاعات تے نشریات فرخ حبیب آکھیا جو وزیراعظم عمران خان دا سندھ دے 14پسماندہ ترین ضلعیاں دی سماجی تے معاشی ترقی سانڳے 446 ارب لاگت دا پیکیج ہک تحفہ اے۔ وفاقی حکومت عام عوام تے ودھیکی بوجھ پاتے بغیر وصولیاں دا ہدف ودھائے۔ صوبائی شیئر 2704 ارب توں ودھ کراہیں 3412 ارب روپے تھی ویسی، اے ودھارا پنجوی فیصد اے۔ مسلسل تریجھی واری خصوصی طور گزریل ݙھائی سالیں اچ پیپلز پارٹی سندھ اچ ڈلیور نی کر سڳی۔ کراچی سودھے پورے سندھ دی عوام پیپلز پارٹی دی کرپشن، لٹ مار، جعلی اکائونٹس توں تنگ ڳئن۔ سنوار کوں آپݨے بیان اچ وزیر مملکت اطلاعات تے نشریات فرخ حبیب آکھیا جو اندرون سندھ اچ غربت، مہلک بیماریاں دی سارے ریکارڈ ترٹ ڳئن۔ ہݨ عوام انہاں دے خلاف کھڑی تھی ڳئی اے۔ انہاں آکھیا جو عمران خان سندھ سودھے پورے ملک دے وزیراعظم ہن اتے او پورے ملک دی ہکو سویں ترقی چاہندن۔ انہاں آکھیا جو مختلف علاقیاں اچ فرق دور کرݨ سانڳے جنوبی بلوچستان کیتے 20ارب،کراچی ٹرانسمیشن پلان کیتے98 ارب رکھیے ڳئن۔ گلگت بلتستان ڈویلپمنٹ کیتے40 ارب،سندھ دے 14 ضلعیاں سانڳے 19.5ارب رکھیے ڳئن۔