اسلام آباد۔11جون (اے پی پی) وزیر مملکت اطلاعات تے نشریات فرخ حبیب آکھیا جو وزیراعظم عمران خان 40 توں 60 لکھ گھراں کوں آپݨے پیراں تے کھڑا کرݨ سانڳے کامیاب پاکستان پروگرام شروع کیتے۔ پروگرام دے تحت ہر گھر کوں کاروبار سانڳے پنڄ لکھ بغیر سود قرضہ ݙتا ویسی۔ جمعے کوں مالی سال 2021-22 بجٹ دے بعد آپݨے ٹویٹ اچ وزیر مملکت فرخ حبیب آکھیا جو کاشت کار کوں فصل سانڳے بغیر سود 1.5 لکھ، ٹریکٹراں ،مشینری2 لاکھ قرض بلاد سود ݙتا ویسی۔ انہاں آکھیا جو 40 توں 60 لکھ گھراں کوں گھٹ لاڳت آلے گھراں سانڳے 20 لکھ تئیں سستے قرضے ݙتے ویسن۔
