لاہور۔15جون(اے پی پی)گورنر پنجاب چوہدری محمدسرور آکھیے جو وفاقی و صوبائی بجٹ دی منظوری اچ کوئی رکاوٹ کائنی، اپوزیشن دے بجٹ منظور نہ تھیوݨ دے خواب ݙیکھݨ تے کوئی پابندی کائنی، ساریاں اتحادی جماعتاں حکومت دے نال کھڑین، پاکستان معاشی میدان اچ اڳو تے ودھ ڳئے، پنجاب آب پاک اتھارٹی دے 5 ارب روپے توں ودھ دے منصوبیاں تے کم شروع تھی چکیے، حکومت تعلیم و صحت سودھا سارے شعبیاں تے ودھ توجہ ݙیندی پئی اے۔ اے ڳالھ انہاں ٹوبہ ٹیک سنگھ دی وستیاں اچ مختلف منصوبیاں دے افتتاں ویلھے آکھی۔ ایم این اے ریاض احمد فتیانہ،ایم پی اے سعید احمد سعدی اتے ٻئے رہنما وی انہاں دے نال ہن۔ گورنر پنجاب آکھیے جو وزیراعظم عمران خان ہمیشہ توں اصولی سیاست کریندن جیڑھے صرف پاکستان دی ترقی و خوشحالی چاہندن۔ انہاں واضح کیتے جو حکومت اپوزیشن دے ساریاں سازشاں ناکام ٻݨیسی۔
