اسلام آباد۔12جون (اے پی پی):وفاقی وزیر نجکاری محمد میاں سومرو دی کامیاب بجٹ پیش کرݨ تے مبارخ ݙتی ۔آندے مالی سال 22-2021 دے پیش کیتے ڳئے بجٹ تے وفاقی وزیر نجکاری وزیر اعظم عمران خان، وفاقی وزیر خزانہ شوکت ترین تے وزیر اعظم دی اقتصادی ٹیم کوں مبارخ ݙیندے ہوئیں آکھیے جو آندے مالی سال دا بجٹ ہر حوالے نال بہترین اے ، جیں اچ معیشت دے ہر شعبہ دی ترقی اتے ودھارے کیتے خصوصی اقدامات کیتے ڳئن ۔محمد میاں سومرو اپݨے بیان اچ آکھیے جو کامیاب بجٹ پیش کرݨ تے وفاقی حکومت اتے وزیر خزانہ مبارکباد دے مستحق ہن ۔ وزیر نجکاری آکھیے جو نویں بجٹ نال ملکی معیشت اچ ریکارڈ بہتری متوقع اے۔
