ٹارگیٹیڈ سبسڈی دے نویں نظام کوں جلدی چھیکڑی شکل ݙتی ونڄے، وزیراعظم عمران خان دی ہدایت

اسلام آباد۔14جون (اے پی پی) وزیراعظم عمران خان ہدایت کیتی جو ٹارگیٹیڈ سبسڈی دے نویں نظام کوں جلدی چھیکڑی شکل ݙتی ونڄے۔ ایں پاروں کمزور طبقے کوں بنیادی شہیں دی خریداری اچ مالی تعاون ݙتا ویسی، حکومت ایں بارے سارے وسائل ݙیسی۔ سنوار کوں وزیراعظم آفس دے میڈیا ونگ ولوں جاری بیان دے مطابق وزیراعظم عمران خان دی صدارت اچ معاشرے دے کمزور طبقے کوں حکومت ولوں سبسڈی ݙیوݨ بارے متعارف کرائے ڳئے نویں نظام تے بریفنگ ݙتی ڳئی۔ اجلاس اچ وزیرِ خزانہ شوکت ترین، معاونین خصوصی ڈاکٹر ثانیہ نشتر، ڈاکٹر وقار مسعود، ڈاکٹر شہباز گل، صدر نیشنل بنک عارف عثمانی تے متعلقہ افسر شریک تھیے۔ معاون خصوصی خصوصی برائے سماجی تحفظ و تخفیف غربت ڈاکٹر ثانیہ نشتر وزیرِ اعظم کوں ٹارگیٹیڈ سبسڈی دے نظام تے تفصیلی بریفنگ ݙتی۔ وزیراعظم ایں موقع تے آکھیا جو ٹارگیٹیڈ سبسڈی دے نویں نظام کوں جلدی چھیکڑی شکل ݙتی ونڄے۔ ایں پاروں کمزور طبقے کوں بنیادی شہیں دی خریداری اچ مالی تعاون ݙتا ویسی، حکومت ایں بارے سارے وسائل ݙیسی۔