اسلام آباد۔14جون (اے پی پی) وزیر خارجہ مخدوم شاہ محمود قریشی آکھیا جو پاکستان افغانستان اچ انٹرا افغان امن عمل دی کامیابی سانڳے تعیری کردار جاری رکھیسی، تزویراتی گہرائی دا نظریہ متروک تھی ڳئے۔ اساݙا کوئی فریق فیورٹ کائنی، تشدد اتے مفاہمت نال نال نی چل سڳدے، پاکستان کوں افغانستان اچ ساری برائیاں دا ذمہ وار نی آکھیا ونڄ سڳدا۔ پر امن افغانستان سانڳے مخلص قیادت دی لوڑھ اے۔ غیر ملکی فوج دے انخلا تئیں کہیں منصوبے تئیں نی پڄے تاں افغانستان اچ انارکی کھنڈسی۔ سنوار کوں ریجنل پیس انسٹیٹیوٹ ولوں ،اسلام آباد اچ تھیوݨ آلی کانفرنس بعنوان پاکستان _افغانستان ڈو پاسہ مذاکرات” دے افتتاحی سیشن نال خطاب کریندیں ہوئیں وزیرخارجہ افغان نائب صدر اتے قومی سلامتی دے مشیر دے پاکستان دے خلاف بیانات تے تشویش کریندیں ہوئیں آکھیا جو الزام تراشیاں کہیں مسئلے دا حل کائنی۔ پاکستان افغانستان اچ انٹرا افغان امن عمل دی کامیابی سانڳے تعیری کردار جاری رکھیسی، تزویراتی گہرائی دا نظریہ متروک تھی ڳئے۔
