ابوظہبی۔23جون (اے پی پی):پاکستان سپر لیگ دے چھیویں ایڈیشن دا فائنل صبحائیں خمیس کوں ملتان سلطانز اتے پشاور زلمی دیاں ٹیماں وچال شیخ زید سٹیڈیم، ابوظہبی اچ کھیڈیا ویسی ۔ ملتان سلطانز کوالیفائر اچ اسلام یونائیٹڈ کوں ہرا تے پہلی واری فائنل اچ جاہ بݨائی اے ۔ ملتان سلطانز کوں وکٹ کیپر بیٹسمین محمد رضوان لیڈ کریندے پئن تے ایں ٹیم اچ سہیل تنویر، صہیب مقصود، رلی روسو اتے عمران طاہر جیہے تجربہ کار کھلاڑی شامل ہن۔ پشاور زلمی ایلمنیٹر 1 اچ دفاعی چیمپئن کراچی کنگز جݙاں جو ایلمنیٹر 2 اچ ݙو وار دی چیمپئن اسلام آباد یونائیٹڈ کوں ہرا تے چوتھی واری فائنل اچ پڄ ڳئی اے ۔ پشاور دی ٹیم ایندے توں پہلے 2017، 2018 اتے 2019 دے ایڈیشن دا فائنل کھیݙ چکی اے ۔ 2017 دے فائنل اچ پشاور کوئٹہ گلیڈی ایٹرز کوں ہرا تے پہلی واری ٹائٹل اپݨے ناں کیتا جݙاں جو 2018 دے فائنل اچ اینکوں اسلام آباد یونائیٹڈ جݙاں جو2019 دے فائنل اچ کوئٹہ گلیڈی ایٹرز دے ہتھوں شکست دا سامݨا کرݨا پیا ۔پشاورزلمی دی قیادت فاسٹ بائولر وہاب ریاض کریسن جݙاں جو ٻئے کھلاڑیاں اچ کامران اکمل، شعیب ملک، جوناتھن ویلز اتے شرفین ردرفورڈ شامل ہن۔
