ملتان۔13جون (اے پی پی) وزیرخارجہ مخدوم شاہ محمودقریشی آکھیے جو بھارتی جاسوس کلبھوشن یادیو دے مقدمے اچ ہم عالمی عدالت انصاف دے احکامات اتےسفارشات تے عمل کریندے پیوں ۔اتوار کوں ملتان اچ میڈیا نال ڳال مہاڑ کریندے ہوئیں انہاں آکھیے جو کلبھوشن یادیو داکیس مسلم لیگ (ن) وگاڑیا ہئی ۔ اپوزیشن کو ایں حوالے نال ناسمجھی دا ثبوت نی ݙیوݨاں چاہیدے تے بھارت دی چالاں کوں سمجھݨا چاہیدے ۔ بھارت تاں چاہندے جو اساں کلبھوشن یادیو کوں قونصل رسائی نہ ݙیوں تاں جو او ول اساکوں عالمی عدالت انصاف اچ گھیل سڳے ۔ ھک سوال دے ولدے اچ انہاں آکھیے جو سی آئی اے دے سربراہ دا دورہ نہ پہلا ہئی تے نہ خفیہ ہئی ۔ ایجھے دورے تھیندے رہندن تے عالمی دہشت گردی نال نبݨݨ کیتے مشاورت دا سلسلہ جاری رہندے ۔پیپلزپارٹی دے رہنماخورشید شاہ دے پتر دی گرفتاری دے حوالے نال سوال دا جواب ݙیندے ہوئیں وزیرخارجہ آکھیے جو احتساب داعمل جاری اے ۔حکومت انتقامی سیاست تے یقین نی رکھیندی جےاو بے گناہ ہن تاں انہاں دے خلاف کارروائی نہ تھسی ۔ قانون ساریں کیتے برابر اے۔وزیراعظم عمران خان واضح طورتے آکھ ݙتے جو نہ تاں او کہیں دے دباواچ آسن تے نہ کہیں کوں این آر او ݙیسن ۔
