اسلام آباد۔21جولائی (اے پی پی):وزیراعظم عمران خان آکھیے جو قربانی صرف جانور کوہݨ دا ناں کائنی بلکہ ایں دا مقصد انسان دا اپݨی خواہشات کوں اعلیٰ مقاصد دکے حصول کیتے قربان کرݨا ہے، حکومت مختلف سکیماں دے ذریعے عوام کوں ریلیف ݙیندی پئی اے ، او ݙٰینھ پرے کائنی جݙاں پاکستان ترقی یافتہ ملکاں دے رلے کھڑا ہوسی ۔ اے ڳال اناہں عیدالاضحیٰ دے موقع تے آپݨے پیغام اچ آکھی اے ۔وزیراعظم عمران خان آکھیے جو میں عیدالاضحیٰ دے موقع تے پوری پاکستانی قوم اتے عالم اسلام کوں مبارخ ݙینداں ، انہاں دعا کیتی جو اﷲ تعالیٰ پاکستانی قوم اتے پوری ملت اسلامیہ دی عبادات اتے قربانیاں قبول فرماوے۔ انہاں آکھیے جو عیدالاضحی حضرت ابراہیمؑ دی اطاعت اتے حضرت اسماعیلؑ دی تسلیم و رضا دی یادگار اے، اڄ دے ݙینھ انہاں عظیم شخصیات اطاعت اتے قربانی دی لازوال مثال پیش کیتی ہئی ، اے عمل اﷲ تعالیٰ کوں اتنا پسند آیا جو اینکوں قیامت تئیں اْمتِ محمدی کیتے عبادت دی حیثیت نال لازم قرار ݙتے۔ انہاں آکھیے جو قربانی دا جذبہ ھک عالمگیر حیثیت داجذبہ اے، دنیا اچ کوئی قوم او تئیں ترقی نی کرسڳدی جݙاں تئیں ایندے اچ ایثار تے قربانی دا جذبہ موجود نہ ہووے، قربانی صرف جانور کوہݨ دا ناں کائنی ایندا اصل مقصد انسان دا اپݨی خواہشات کوں اعلیٰ مقصد دے حصول ککیتے قربان کرݨا ھے۔