کراچی۔27جولائی(اے پی پی) گورنر سٹیٹ بنک آف پاکستان رضا باقر ڈپٹی گورنر اتے ٻعے عہدیداراں دے کٹھے پریس کانفرنس کریندے آکھیے جو اسٹیٹ بینک دی مانیٹری پالیسی کمیٹی شرح سود 7 فیصد تے برقرار رکھݨ دا فیصلہ کیتے، ہک سال توں مہانڳ دی رفتار ݙیہدے ہوئے شرح پالیسی ڳھت اے جیکوں ماہرین منفی ریٹ آہدن، ڄݙاں کرونا شروع تھئے تاں شرح سود 7 فیصد تے رکھݨ دا مقصد ہا جو معیشت دا ہتھ ونݙایا ونڄے، اڄ سٹیٹ بنک دے اقدامات پاروں شرح نمو مالی سال مکݨ تے 3.9 فیصد تقریباً 4 فیصد ھا، مہانگ دی شرح ڳھٹی اے اتے جون اچ 8.9 فیصد رہی اےے۔ گورنر اسٹیٹ بینک آکھیے جو مہانڳ دی شرح ٻئی ڳھٹاوݨ دی لوڑھ اے اتے معاشی حوالے نال بہتر اعداد و شمار سامݨے آئن، ایندے اچ کرنٹ اکاؤنٹ خسارہ ھا جیڑھا پچھلے مالی سال 1.8 بلین ڈالر یعنی جی ڈی پی دا 0.6 فیصد ھا، اے ݙاہ سال اچ سب تؤں ڳھٹ سطح تے ہے، برآمدات اتے ترسیلات اچ تاریخی ودھارا تھئے۔
