لاہور۔1جولائی (اے پی پی):پاکستان کرکٹ بورڈ ٹی -20 انٹرنیشنل کرکٹ اچ وکٹاں دی سنچری مکمل کرݨ تے ندا ڈار کوں مبارخ ݙتی اے ۔ ندا ڈار مینز اتے ویمنز کرکٹ اچ پاکستان ولوں100 وکٹاں گھنݨ آلی پہلی بائولر ہن۔ندا ڈار اے اعزاز ویسٹ انڈیز دے خلاف پہلے ٹی -20 میچ اچ حاصل کیتے۔ ندا ویسٹ انڈیز دی ڈینڈرا ڈوٹن کوں آئوٹ کر تے اے اعزاز اپݨے ناں کیتے ۔ندا ڈار تریمت انٹرنیشنل کرکٹرز اچ پنجویں کھلاڑی ہن، جنہاں ٹی-20 اچ سو وکٹاں ڳھدن ۔پاکستان کرکٹ بورڈ دے چیف ایگزیکٹیو وسیم خان ندا ڈار کوں ھک سنھیے اچ آکھیے جو او ندا ڈارکوں سو وکٹاں گھنݨ تے مبارخ باد پیش کریندن ۔انہاں مزید آکھیے جو اے کامیابی ندا ڈار کوں مسلسل لگن اتے محنت پاروں ملی اے ۔ ندا ڈار وݙے عرصے توں محنت کریندی پئی اے ۔ ندا ڈار پاکستان دی قومی ویمنز ٹیم دا لازمی جزو اے تے او پاکستان دی ویمن کرکٹرز کیتے ھک رول ماڈل بݨ ڳئی اے ۔
