راولپنڈی۔28جولائی (اے پی پی):چیف آف آرمی اسٹاف جنرل قمر جاوید باجوہ نال سعودی عرب دے وزیر خارجہ شہزادہ فیصل بن فرحان السعود ملاقات کیتی۔ ملاقات اچ ݙو پاسے دلچسپی دے امور ، افغانستان امن عمل سودھے خطے اچ سلامتی دی بدلدی ہوئی صورتحال اتے علاقائی امن و رابطہ کاری کیتے سانجھے تعاون تے ڳال کیتی ڳئی ۔ پاک فوج دے شعبہ تعلقات عامہ موجب سعودی وزیر خارجہ پاکستان کوں غیر متزلزل حمایت دا یقین ݙویندے ہوئیں خطے اچ امن و استحکام دے ودھارے کیتے پاکستان دی مخلصانہ کوششاں تے کردار دی تعریف کیتی۔ ایں موقع تے آرمی چیف آکھیے جو سعودی عرب تے پاکستان وچال بھرپی تے سانجھے اعتماد تے تعلقات ہن تے ݙوہیں ملک امن تے استحکام کیتے آپݨا کردار ادا کریندے رہسن ، انہاں پاکستان اتے ایندی مسلح افواج کیتے سعودی عرب دی حمایت تے سعودی قیادت دا شکریہ ادا کیتے۔
