بیجنگ ۔ 22 جون(اے پی پی) چین وی جاپان اچ امریکی فوجی موجودگی دی مخالفت دااعلان کیتاہے۔جاپانی جزیرے اوکیناوا اچ امریکی فوجی موجودگی دے خلاف ہزاراں جاپانی شہریاں دے تازہ ترین احتجاجی مظاہریں دے بعد چین وی امریکہ کوں آکھیا ہے جو او جاپانی خواہشات اتے مطالبات دا احترام کرے ۔چینی وزارت خارجہ آکھیا ہے جو امریکہ کوں چاہیدا ہے جو او علاقے اچ امن تے استحکام دی برقراری سانگے کوشش کرے ۔چینی دفتر خارجہ دی ترجمان ہوا چون اینک علاقے اچ امریکہ فوجیاں دی موجودگی کوں خطرہ قرار ڈتا ہے ۔واضح رہے جو جاپان دے ہزاراں شہریاں گزریل اتوار کوں وڈے مظاہرے کرتے جاپانی جزیرے اتے او کیناتے جاپان دے بئے علاقیاں اچوں امریکی فوجیاں دے نکل ونجنڑ دا مطالبہ کیتا ہے ۔ امریکی فوجیاں دی موجودگی دے خلاف جاپانی عوام اچ کاوڑ او ںویلھے آئی جڈاں پچھلے ڈینہاں امریکی فوجی 1جوان جاپانی تریمت کوںقتل کر ڈتا ہا ۔
