معروف قوال امجد صابری دا قتل افسوسناک ہے، قائمقام صدر میاں رضاربانی

اسلام آباد ۔ 22 جون(اے پی پی) قائمقام صدر میاں رضاربانی معروف قوال امجد صابری دے قتل کوں افسوسناک قرار ڈیندے ہوئیں ایں گالھ تے زور ڈے تے آکھے جو سندھ حکومت قاتلاں دی گرفتاری کیتے ہر ممکن اقدامات کریسی ، اتے مجرماں کوں قرار واقعی سزا ڈتی ویسی ۔ انہاں امجد صابری دیاں خدمتاں کوں خراج عقیدت پیش کریندے ہوئیں آکھے جو امجد صابری بین الاقوامی سطح تے پاکستان دا ناں روشن کیتے اتے ساری قوم کوں انہاں تے فخر ہے۔ انہاں اللہ تعالی توں مرحوم دے درجات دی بلندی اتے سوگوار خاندان کیتے صبر جمیل دی دعا کیتی ۔