اسلام آباد ۔ 23 جون(اے پی پی) اجوکے سال دے دوران مشینری دی درآمدات اچ 16.77فیصد ودھارا تھیا ہے ۔ ادارہ برائے شماریات پاکستان (پی بی ایس) دے اعداد وشمار دے مطابق جاری مالی سال 2015-16ءاچ جولائی توں مئی دے دوران مشینری گروپ دی ملکی درآمدات داحجم 7.796ارب ڈالر تئیں ودھ گیا ہے گزریل مالی سال دے ایں عرصے دے دوران درآمدات دا حجم 6.676ارب ڈالر ریکارڈ کیتا گیا ہا ۔ اینویں گزریل مالی سال دے مقابلے اچ اجوکے مالی سال دے دوران مشینری دی در آمدات اچ سولہ فیصد ودھارا ریکارڈ کیتا گیا ہے ۔
