ٹوکیو ۔ 24 جون(اے پی پی) جاپان دے ذرائع ابلاغ مطابق ماہرین فصلاں دی دی حفاظت کرنڑ آلاڈرون تیار کر گھدا ہے جیرھا عین اوں جاہ تے کیڑے مار دوائیاں چھڑکداہے جتھاں ایندی ضرورت ہوندی ہے۔ جدید ڈرون فصل دی نگرانی وچ ا وہ جاہیںلبھدا ہے جتھاںانسان دی نظرنی پوندی۔ماہرین آکھیا اے جو ایندے وچ لگے تھرمل کیمرے رات دی اندھارے وچ وی فصل دشمن کیڑاں کوں لبھ تے انہاں کوں مکاونڑ دی طاقت رکھیندے ہن۔ڈرون اپنڑے تھرمل کیمرے نال اندھارے وچ 50 توں ودھ مختلف کیڑے مکوڑیاں کوں ویکھنڑ دی صلاحیت رکھیندا ہے۔ تجرباتی طوتے ایکوں آلو اتے سویابین دیاں فصلاں تے آزمایا گیا تاں ایندے بہوں چنگے نتیجے برآمد تھئے اتے انسانی مداخلت دے بغیر فصل دشمن کیڑیاں دا صفایا کیتا گیا۔ماہرین آکھیا اے جو ایں ڈرون وچ روشنی خارج کرنڑ آلاہک آلہ وی لاتا ونج جا سگدے جیرھا کہیں دوا دے بغیر خاص شعاعواں کوں خارج کرتے کیڑیاں کوں ہک جاہ تے کٹھاتھیونڑ توں روکدا ہے ۔