پیرس ۔24 جون (اے پی پی) یوئیفا یورو فٹ بال کپ دے گروپ میچان دا سلسلہ مکمل تھی گئے، ایونٹ دا پری کوارٹر فائنل لائن اپ مکمل تھی گئے اتے سوئٹزرلینڈ، پولینڈ، ویلز،نادرن آئرلینڈ، کروشیا، پرتگال، فرانس، آئرلینڈ، جرمنی، سلواکیہ، ہنگری، بیلجیئم، اٹلی، سپین، انگلینڈ اتے آئس لینڈ دیاں ٹیماں یوئیفا یورو فٹ بال کپ 2016ءدے پری کوارٹر فائنل مرحلے وچ پج گئیاں ہن۔ یوئیفا یورو فٹ بال کپ 2016ءدے پری کوارٹر فائنل مرحلے وچ (اج) ہفتے کوں ڈو میچ کھیڈے ویسن۔ ایں سلسلے وچ پہلا میچ سوئٹزرلینڈاتے پولینڈ دیاں ٹیماں وچال کھیڈیا ویسی جڈانجو ڈوجھا میچ ویلز اتے ناردرن آئرلینڈ دیاں ٹیماں وچال کھیڈیاویسی۔ یوئیفا یورو فٹ بال کپ 2016ءوچ کانٹے دار مقابلیاں دا سلسلہ جاری ہے اتے یوئیفا یورو فٹ بال کپ 2016ءاپنڑے چھیکڑی مرحلے آلے پاسے گامزن ہے ایونٹ وچ 24 ٹیماں ٹائٹل دے حصول سانگے شرکت کیتی جیندے وچوں ہنڑ 16 ٹیماں ناک آﺅٹ مرحلے وچ پج گئیان ہن ۔ ہسپانوی ٹیم مسلسل تریجھی واری ٹائٹل دے دفاع سانگے کوشاں ہے۔ ٹورنامنٹ دا فائنل 10 جولائی کوں کھیڈیا ویسی۔
