اسلام آباد ۔ 28 جون (اے پی پی) اجوکے سیزن دے دوران امب دی ملکی بر آمدات دا حجم ہک لکھ 20 ہزار ٹن تئیں ودھارے دی توقع ہے جڈاں جو گزریل سال دے دوران صرف84 ہزار ٹن امب برآمد کیتا گیا ہا۔ ٹریڈ ڈویلپمنٹ اتھارٹی آف پاکستان ( ٹی ڈی اے پی) دے حکام آکھیا ہے جو اتھارٹی دیاں کاوشاں نال آسٹریلیا‘ لیبیا ‘ موریطانیہ اتے جنوبی کوریا کوں 13 سال دے عرصے دے بعد امب دی بر آمدات داآغاز تھیا ہے۔ انہاں آکھیا جو نویاں منڈیاں کوں امب دی بر آمدات پاروں جاری سیزن دے دوران امب دی ملکی بر آمدات دا حجم ہک لکھ 20ہزار ٹن تئیں ودھارے دا امکان ہے جیں نال قیمتی زرمبادلہ دے حصول اتے دیہی معیشت دی ترقی اچ مدد ملسی ۔
