آغا ناصر دی وفات نال پاکستان ہک عظیم تخلیقی ذہن توں محروم تھی گئے ، آرٹ اتے کلچر دے شعبے بالخصوص پی ٹی وی دے قیام وچ انہاں دے کردار کوں ہمیشہ یاد رکھیا ویسی وفاقی وزیر اطلاعات سینیٹر پرویز رشید دا آغا ناصر دے انتقال تے تعزیت دا اظہار

اسلام آباد ۔ 12 جولائی (اے پی پی) وفاقی وزیر اطلاعات تے نشریات اتے قومی ورثہ سینیٹر پرویز رشید آکھیا اے جو آغا ناصر دی وفات نال پاکستان ہک عظیم تخلیقی ذہن توں محروم تھی گئے۔ آرٹ اتے کلچر دے شعبہ بالخصوص پی ٹی وی دے قیام وچ انہاں دے کردار کوں ہمیشہ یاد رکھیا ویسی۔ اپنڑے ہک تعزیتی پیغام وچ وفاقی وزیر آکھیا جو آغا ناصر ہک باصلاحیت شخصیت ہائی جنہاں نے اپنڑے پیچھوں ڈھگ سارے شاگرد چھوڑے ہن جیرھے آرٹ اتے کلچر دے فروغ سانگے انہاں دے مشن کوں جاری رکھیسن۔ انہاںدعا کیتی جو اللہ سائیں مرحوم دی روح کو ںاپنڑے جوار رحمت وچ جاء ڈیوے اتے سوگوار خاندان کوں ا یہ ناقابل تلافی نقصان برداشت کرنڑدا حوصلہ وی ڈیوے۔