اسلام آباد ۔ 15 جولائی (اے پی پی) ملک کوں لوڈ شیڈنگ توں نجات ڈیوانڑں سانگے مالی سال 2016-17ءدے سالانہ ترقیاتی پروگرام وچ بجلی دے شعبے کوں اولین ترجیح ڈتی گئی ہے، پن بجلی دیاں سکیماں تے مجموعی طور تے ہک کھرب 63 ارب 45 کروڑ 80 لکھ روپے خرچ کیتے ویسن۔وزارت پانڑیں تے بجلی دے اعداد شمار دے مطابق دیامر ۔ بھاشا ڈیم دی تعمیر سانگے14 ارب روپے، دیامر ۔ بھاشا ڈیم منصوبے دی لاٹ 1 توں 5 سانگے 18 ارب 36 کروڑ روپے، داسو ہائیڈرو پاور پراجیکٹ سانگے 42 ارب 17 کروڑ 70 لکھ روپے، منگلا ہائیڈرو ٹریننگ انسٹیٹیوٹ سانگے 6 کروڑ 70 لکھ روپے، گولن گول ہائیڈرو پاور پراجیکٹ سانگے 2 ارب 72 کروڑ 90 لکھ روپے، خیال خواڑ ہائیڈرو پاور پراجیکٹ سانگے 3 ارب 3 کروڑ 80 لکھ روپے، نیلم ۔ جہلم ہائیڈرو پاور پراجیکٹ سانگے 61 ارب 45 کروڑ 30 لکھ روپے، منگلا پاور سٹیشن دی اپ گریڈیشن سانگے 3 ارب 99 کروڑ 50 لکھ روپے، تربیلا فور توسیعی منصوبے سانگے 16 ارب 48 کروڑ 70 لکھ روپے، تھاکوٹ ہائیڈرو پراجیکٹ سانگے 33 کروڑ روپے، ورسک ہائیڈرو الیکٹرک پاور سٹیشن دی بحالی سانگے 45 کروڑ 70 لکھ روپے، چترال ہائیڈرل پاور سٹیشن سانگے 7 کروڑ روپے اتے کرم پاور ہاﺅس دی اپ گریڈیشن سانگے 10 کروڑ روپے مختص کیتے گئے ہن۔
