اسلام آباد ۔ 15 جولائی (اے پی پی) وزیر مملکت برائے نیشنل ہیلتھ سروسز، ریگولیشنز اینڈ کوآرڈینیشن سائرہ افضل تارڑ پولیو کوں مکاونڑ سانگے نیشنل ایکشن پلان تے پیش رفت دا جائزہ گھدا ہے۔ ٹیکنیکل ایڈوائزری گروپ دے حالیہ پولیو جائزہ تناظر وچ نیشنل کوآرڈینیٹر پولیو ایمرجنسی رانا صفدر وزیر مملکت کو ںملک وچوںپولیو مکاونڑ سانگے کیتے گئے اقدامات بارے تفصیل نال آگاہ کیتا۔ وزیر مملکت انہاں اقدامات تے اطمینان دا اظہار کریندے ہوئیں آکھیا جو ساریاں ضلعیاںوچ پولیو مکاونڑ تے توجہ ڈتی ویندی پئی ہے اتے ایں سلسلے وچ مانیٹرنگ وی کیتی ویندی پئی ہے۔ وزیر مملکت آکھیا جو ٹیکنیکل ایڈوائزری گروپ کمیونٹی ویکیشن دی تعریف کیتی ہے۔ انہاں آکھیا جو موبائل ٹیماں دی کارکردگی کو ںمستحکم بنڑایا ویندا پئے۔ انہاں آکھیا جو شمالی سندھ وچ پولیو کوں مکاونڑ سانگے کوششاںتریکھیاں کیتیاں ونجنر چاہیدیاں ہن اتے نارتھ سندھ ایکشن پلان تے عملدرآمد تھیونڑ چاہیدے۔ انہاں آکھیا جو قومی اتے صوبائی سطح تے ریپڈ رسپانس یونٹ پوری طرح فعال ہے۔ انہاں آکھیا جو افغانستان دے نال آبادی دی نقل و حمل دے حوالے نال اطلاعات دا تبادلہ کیتا ونجے تا ں جو وائرس دی منتقلی کوں سانجھے طور تے روکیا ونج جا سگے۔
