سنگاپور ۔ 18 جولائی (اے پی پی) ایشیائی مارکیٹ اچ سنوار کوں کاروباری ہفتے دے پہلے ڈینھ تیل دے نرخ اچ وادھے دا رحجان رہیا جیں دی وجہ توں امریکا تے چین دی معیشت اچ بہتری بارے رپورٹ دے بعد دنیا دیاں ڈو وڈیاں معیشتاں اچ خام تیل دی طلب اچ وادھے بارے پاتی گئی توقعات ہن ۔ امریکا دے ویسٹ ٹیکساس انٹرمیڈیٹ دے معاہدے 7 سینٹ یا 0.15 فیصد دے وادھے توں46.02 ڈالر فی بیرل اچ طے پاتے جڈاں جو برینٹ نارتھ سی کروڈ دے سودے 23 سینٹ یا 0.48 فیصد دی چنگائی توں 47.84 ڈالر فی بیرل اچ طے پاتے۔امریکی کامرس ڈیپارٹمنٹ ولوں جاری ہک رپورٹ دے مطابق جون دے دوران ریٹیل سیلز اچ توقعات توں ودھ ریکارڈ ودھارا تھیا جیرھا جو معیشت دی ترقی اچ ہک نیک شگون ہے ۔
