ریاض ۔ 21 جولائی (اے پی پی) دنیا دی چنگی فوج رکھنڑ وچ سعودی عرب ہک نواں سنگ میل طے کریندے ہوئیں عرب دنیا دی ڈوجھی مضبوط ترین فوج دا حامل ملک ہونڑ دا درجہ حاصل کرگھداہے۔گلوبر فائر پاور” دے تیار کردہ جائزے دے مطابق جاری سال سعودی عرب چنگی فوج دے اعتبار نال چار پوائنٹس دا ودھارا حاصل کریندے ہوئیں 126 ملکاں وچوں 24 ویں چنگی فوج رکھنڑ دا اعزاز حاصل کیتا ہے۔ جڈاں جو عرب دنیا وچ سعودی عرب مصر دے بعد ڈوجھے نمبر تے آگئے۔گلوبل فائر پاور دنیا دی چنگی اتے مضبوط فوج سانگے 50 مختلف عوامل داجائزہ گھدا ۔ انہاں وچ جوہری اسلحے دے بغیر عسکری میدان وچ مہارت، تیاری، فوج دی تعداد، ٹینکاں، جنگی جہازاں اتے فوج دے بجٹ جئے عوامل شامل ہن۔
