لاہور۔21 جولائی(اے پی پی ) پاکستان کرکٹ بورڈ (پی سی بی) دے ترجمان رضا راشد آکھے جو مایہ ناز سپنر یاسر شاہ مکمل فٹ ہن اتے اساکوں یقین ہے جو او پاکستان اتے انگلینڈ وچال (اج) توں مانچسٹر اچ شروع تھیونڑآلے ڈوجھے ٹیسٹ میچ اچ قومی ٹیم اچ شرکت دے قابل ہوسن ۔ ترجمان ڈسایا جو نیٹ اچ بیٹنگ پریکٹس کریندے ہوئیں یاسر شاہ کوں کھبے مونڈھے تے بال لگنڑ نال سٹ لگ گئی ہئی ،انہاں کوں ٹیم دے ڈاکٹر شین ہیز موقعے تے ابتدائی طبی امداد ڈے ڈتی ہئی اتے بعد اچ انہاں دے مونڈھے دی سکیننگ کیتی گئی جیہڑا جو بالکل ٹھیک ہئی ۔ پاکستان کرکٹ بورڈ (پی سی بی) دے ڈاکٹر کوں یقین ہے جو ڈوجھے ٹیسٹ اچ حصہ گھنڑ اچ انہاں کوں کئی وی مسئلہ کائناں ہوسی ۔
