مکہ ۔ 24 جولائی (اے پی پی) شیطان صفت لوک مسجد حرام دی طرح دی مقدس ترین جاہ اچ وی آپنڑیں شیطانیت اتے مکروہ حرکات توںباز نہیں آندے ۔ سعودی اخبارات دے مطابق مسجد حرام اچ سیکیورٹی تے مامور عملے مذہبی پولیس’امر بالمعروف ونہی عن المنکر’ دے تعاون سیکعبہ شریف اچ حجر اسود توںہک غیرملکی عرب بندے کوں حراست اچ گھدا جیندے تے الزام ہے جو او مسیت اچ رش دا فیدہ چیندے ہوئیں تریمتیں دے نال چھیڑ چھاڑ دی کوشش کریندا پیا ہئی ۔ العربیہ ٹی وی دے مطابق سیکیورٹی اہلکاراں طواف کعبہ دے دوران ہک تریمت دی شکایت تے غیرملکی کوں حراست اچ گھن گھدا۔ گرفتار کیتے گئے ایں بندے دا تعلق ہک ڈوجھے عرب ملک نال ہے جیہڑا جو پیشے دے اعتبار نال آجڑی ہے ۔ ایں حجر اسود دے نیڑے طواف کرنڑآلی تریمت نال چھیڑ خانی دی کوشش کیتی ہئی جیندے تے اوں تریمت متعلقہ سیکیورٹی عملے کوں ایندی حرکات بارے خبر ڈتی ۔
