اسلام آباد ۔ 24 اگست (اے پی پی) جون دے مقابلے وچ جولائی 2016ءدے دوران چاول دی ملکی برآمدات وچ 41.16 فیصد دی گھٹکی واقع تھئی ہے۔ ادارہ برائے شماریات پاکستان ( پی بی ایس) دے اعدادوشمار مطابق جون 2016 ءدے دوران 15.06 ارب روپے دے چاول برآمد کیتے گئے ہن جڈانجو جولائی 2016 ءدے دوران چاولاں دی قومی برآمدات دا حجم 8.793 ارب روپے تئیں گھٹ تھی گیا۔ ایں طرح جون دی نسبت جولائی 2016 ءوچ چاول دیاں ملکی برآمدات وچ اکتالی فیصد توں ودھ دی گھٹکی ریکارڈ کیتی گئی ہے۔
