اسلام آباد ۔02 ستمبر(اے پی پی) جولائی2015ء دے مقابلے وچ جولائی2016ء دے دوران سبزیاں دی ملکی برآمدات وچ26.19 فیصد دی گھٹکی تھئی ہے۔ ادارہ برائے شماریات پاکستان( پی بی ایس) دے اعدادوشمار مطابق جولائی2015ء دے دوران سبزیاں دی برآمدات1172 ملین روپے ریکارڈ کیتیاں گئیاں ہن جڈانجو جاری مالی سال2016-17ء دے شروع وچ سبزیاں دی ملکی برآمدات دا حجم 835 ملین روپے تئیں گھٹ تھی گیا۔ ایں طرح جولائی 2015ء دے مقابلے وچ جولائی2016ء دے دوران سبزیاں دی قومی برآمدات وچ26 فیصد توں ودھ دی گھٹکی ریکارڈ کیتی گئی ہے۔
