اسلام آباد ۔6 ستمبر(اے پی پی) قومی اسمبلی وچ ساریاں سیاسی جماعتاں دے رہنماواں چھی ستمبر دے شہیداں کوں خراج عقیدت پیش کریندے ہوئیں آکھیا ہے جو اپنڑیاں آونڑآلیاں نسلاں کوں اپنڑے انہاں ہیروز دیاں قربانیاں بارے آگاہ کرنڑ سانگے خصوصی اقدامات کیتے ونجنڑ چاہیدے ہن ‘ پاکستان دی مسلح افواج وطن دے دفاع اتے سرحداں دی حفاظت سانگے اپنڑیاں جاناں دا نذرانہ پیش کر یندیاں پن جیندے تے اساں انہاں کوں خراج تحسین پیش کریندوں۔ منگل کو ںقومی اسمبلی وچ پیپلز پارٹی دی رہنما شازیہ مری آکھیا جو یوم دفاع دے موقع تے حکومت ولوں قرارداد آونڑ چاہیدی ہا ۔ ایم کیو ایم پاکستان دے رکن شیخ صلاح الدین آکھیا وج یوم دفاع دے موقع تے پاک فوج نال اظہار یکجہتی سانگے قرارداد لاتی ونجے، اساڈے جواناں دیاں قربانیاں گراں قدر ہن۔این جنگ وچ فضائیہ اتے بحری فوج دیاں خدمات وی تعریف دے قابل ہن۔ تحریک انصاف دے رکن قومی اسمبلی شفقت محمود آکھیاہے جو ایوان وچ کوئی وی گالھ حقائق کوں مدنظر رکھ تے کیتی ونجنڑ چاہیدی ہے۔ جماعت اسلامی دے پارلیمانی لیڈر صاحبزادہ طارق اللہ آکھیا جو چھی ستمبر کوں قربانیاں ڈیونڑ آلیاں کوں نظر انداز نی کرنڑ چاہیدا ہا، 6 ستمبر 1965ء کوں بھارت پاکستان تے قبضے دا گھندا ارادہ کیتا ہا تاں جو اساڈی فوج جو قربانیاں ڈتیاںا وہ مثالی ہن۔ مسلم لیگ (ن) دے رکن کیپٹن (ر) صفدر آکھیا وج اساںاجلاس شروع وچ ای تجویزڈتی ہائی جواج معمول دابزنس روک تے چھی ستمبر تے گالھ مہاڑ کیتی ونجے تاں جو اساڈے بالاں اتے نویں نسل کوں ایں ڈینھ دی اہمیت دا اندازہ ہوئے، اساں اپنڑے شہیداں کوں سلام پیش کریندوں۔ سابق سپیکر قومی اسمبلی ڈاکٹر فہمیدہ مرزاآکھیا جو چھی ستمبر دے حوالے نال واضح پیغام ونجنڑ چاہیدے ۔ تحریک انصاف دے رکن سراج محمد خان چھی ستمبر دے شہیداں کوں خراج عقیدت پیش کریندے ہوئیں آکھیا جواج دے ڈینھ ایں ایوان وچ ایں حوالے نال ہک جامع قرارداد منظور کیتی ونجنڑ چاہیدی ہائی۔شیخ سہیل منصور آکھیا جو اساڈے چاراں پاسے جڈاں دشمن بیٹھے ہن تاں ایں تناظر وچ اساکوں پاک فوج کوں مضبوط کرنڑ چاہیدے، اساکوں پاک فوج دے سپہ سالار اتے پاکستان کوں خراج تحسین پیش کرنڑ چاہیدے۔
