پاکستان اتے بیلاروس وچال ہوا بازی’ تعلیم’ کسٹمز اتے بینکاری سمیت مختلف شعبیں اچ تعاون دے 18 معاہدیں تے دستخط وزیراعظم محمد نواز شریف اتے بیلاروس دے صدر الیگزینڈر لوکا شنکو تقریب اچ شرکت کیتی

اسلام آباد ۔5 اکتوبر (اے پی پی) پاکستان اتے بیلاروس ہوا بازی’ تعلیم’ کسٹمز اتے بینکاری سمیت مختلف شعبیں اچ تعاون دے 18 معاہدیں تے دستخط کیتے ہن۔ وزیراعظم محمد نواز شریف اتے بیلاروس دے صدر الیگزینڈر لوکا شنکو بدھ کوں اتھاںوزیراعظم ہائوس اچ سانجھے بیان تے دستخط کیتے اتے معاہدیں دی تقریب اچ شرکت کیتی۔ ڈوہیں ملکاں کسٹمز امور بارے’ سول اتے کمرشل معاملات اچ قنونی معاونت بارے اچ اتے دوستی تے تعاون دے معاہدے دی توثیق دی تبادلہ دستاویز تے دستخط کیتے۔ وزیراعظم دے معاون خصوصی خارجہ امور طارق فاطمی اتے بیلارس دے وزیر خارجہ ولادی میر میکائی ترائے دستاویزاں تے دستخط کیتے۔ سٹیٹ بینک آف پاکستان اتے نیشنل بینک آف بیلاروس وچال ایم او یو تے گورنر سٹیٹ بینک سعید احمد اتے بیلاروس دے نیشنل بینک دے بورڈ دے چیئرمین ممانو وچ پیٹر دستخط کیتے۔ دوہرے ٹیکس توں گریز اتے آمدن تے ٹیکساں دے حوالے نال مالیاتی چوری دے انسدادسانگے کنونشن دے ترمیمی پروٹوکول تے وزیر خزانہ اسحاق ڈار اتے وزیر ٹیکسیشن تے محصولات سرگئی نالویکو دستخط کیتے۔ وزیر مملکت تعلیم بلیغ الرحمان اتے بیلاروس دے وزیر تعلیم میخائل زوراوکوف پاکستان اتے بیلاروس دے تعلیمی شعبے اچ 8 معاہدیں دے دستخط کیتے جیں اچ تعلیمی وزارتاں وچال ووکیشنل تربیت داایم او یو اتے تعلیمی اسناد کوں باہمی طورتے من گھننڑ’ اردو اتے بیلاروسی زبان دی چیئرز دے قیام اتے تدریسی تے جدید تحقیق دے شعبیں اچ ڈوہیں ملکاں دی اعلیٰ یونیورسٹیاں وچال 7 معاہدے شامل ہن۔ تعلیم بارے اچ معاہدے پاکستان دی نیشنل یونیورسٹی آف ماڈرن لینگوئجز تے قائداعظم یونیورسٹی اتے منسک سٹیٹ لینگوئسٹک یونیورسٹی’ بیلاروسی سٹیٹ ٹیکنالوجیکل یونیورسٹی تے بیلاروسی سٹیٹ یونیورسٹی آف کلچر وچال تھئے۔ پاکستان اتے بیلاروس وچال فضائی خدمات دے معاہدے تے سیکریٹری ہوا بازی محمد عرفان الٰہی اتے بیلارس دے ڈائریکٹر ایوی ایشن ڈیپارٹمنٹ کوستن ولادمیر دستخط کیتے۔ ٹریڈ ڈویلپمنٹ اتھارٹی آف پاکستان اتے بیلاروس دے نیشنل سینٹر فار مارکیٹنگ اینڈ پرائس سٹڈی وزارت خارجہ امور وچال ایم او یو پر وزیر تجارت انجینئر خرم دستگیر خان اتے بیلارس دے وزیر خارجہ ولادی میر میکائی دستخط کیتے۔ وزارت مواصلات اتے بیلاروس دی وزارت مواصلات تے اطلاعات وچال پوسٹل سرگرمیاں دے شعبے اچ ایم او یو تے سیکریٹری مواصلات خالد مسعود اتے بیلاروس دے سفیر آندرے ایمالو وچ دستخط کیتے۔