اسلام آباد ۔ 22 اپریل (اے پی پی) وزیر مملکت پانڑیں تے بجلی عابد شیر علی آکھیا اے جو اٹھارویں ترمیم دے بعد صوبیں کوں اپنڑے وسائل کوں بروئے کار لاونڑاں چاہیدے ،وفاقی ہر طرح دی مدد کرنڑ سانگے تیار ہے،جمعے کوں ایوان بالا اچ سلیم مانڈوی والا پورے ملک اچ خصوصا بلوچستان اچ پانڑیں دی گھٹکی ،جیں نال عوام کوں بالعموم زرعی اتے صنعتی شعبے کوں خطرہ ہے ،انہاں ولوں وزیر پانڑیں تے بجلی دی توجہ ڈیوائی ۔وزیر مملکت پانڑیں تے بجلی عابد شیر علی جواب ڈیندے ہوئیں آکھیا جو پانڑیں دے ذخائر اچ گھٹکی تھیندی پئی ہے۔بلوچستان اچ ٹربائناں دے ذریعے زیر زمین پانڑیں کڈھیا ویندا پئے جیں نال پانڑیں دی سطح تلے ویندی پئی ہے۔انہاں آکھیا جو صوبیں کوں اٹھارویں ترمیم دے بعد خود اپنڑے وسائل کوں استعمال کرنڑاں چاہیدے ،وفاق ایں سلسلے اچ تعاون کریسے ۔
