ملکی برآمدات اچ ڈھور ڈنگراں دے شعبے دا حصہ 13 فیصد

اسلام آباد ۔ 17 اکتوبر (اے پی پی) ملکی برآمدات اچ ڈھورڈنگراں دے شعبے دی برآمدات دا حصہ 13 فیصد ہے جڈانجو ایں شعبے نال لکھاں لوکیں دا براہ راست روزگار جڑیا ہویا ہے ۔ مجموعی قومی پیداوار (جی ڈی پی) اچ زراعت دے شعبے دا حصہ 21 فیصد ہے۔ ڈھور ڈنگراں دے شعبے دے اعداد و شمار دے مطابق ملک دی مجموعی آبادی دے 67 فیصد اچوں 46 فیصد لوکیں دا روزگار زرعی شعبے نال جڑیا ہویا ہے جیندے اچ ڈھور ڈنگراں دا حصہ 56 فیصد توں ودھ ہے ۔ ڈھور ڈنگراں دا شعبہ ملکی معیشت اچ بہوں اہمیت رکھیندے ،جیہڑا جو ملک دی برآمدات اچ 13 فیصد دا حصے دار ہے۔ ڈھورڈنگراں دے شعبے دے ماہراں دا آکھنڑ ہے جو ایں شعبے دی ترقی نال نہ صرف برآمدات اچ ودھارے کوں یقینی بنڑایا ونج سگدے جڈانجو ایندے نال روزگار دے لکھاں نویں موقعے وی پیدا تھی سگدے ہن ، جیندے نال دیہا تی معیشت تے چنگے اثرات تھی سگدے ہن ۔