شکاگو ۔ 28 اکتوبر (اے پی پی) امریکی وزیرخارجہ جان کیری آکھیا ہے جو شام دے بحران دے حل سانگے واشنگٹن کو ںایران اتے روس دی مدد دی سخت ضرورت ہے ۔امریکی وزیرخارجہ جان کیری ایں گالھ دا اعتراف کریندے ہوئیں آکھیا جوشام دا بحران فوجی طاقت نال حل نی تھی سگدا جو ایں بحران کوں حل کرنڑ سانگے ایران اتے شام دی مدد دی سخت ضرورت ہے – جان کیری شیکاگو وچ بین الاقوامی تعلقات کونسل وچ شام دے بحران دے حل دے موضوع تے تقریرکریندے ہوئیں آکھیا جوکجھ ناکامیاں دے باوجودا یہ حقیقت اپنڑی جاہ باقی ہے جو شام دے بحران کوں سفارتی طریقے نال ای حل کیتا ونج جاسگداہے ۔جان کیری آکھیا جو بہوں سارے حلقیاں دا ایں گالھ تے یقین ہے جو شام دے بحران کوں طاقت دے ذریعے حل نی کیتا ونج سگدا۔