ورزش کرنڑ نا ل نفسیاتی مرض گھٹ تھی ویندے ہن ،سائنسدان

جنیوا ۔09 نومبر (اے پی پی) عالمی ادارہ صحت سائنسداناں دا آکھنڑ ہے جو ورزش کرنڑ نا ل نفسیاتی مرض گھٹ تھی ویندے ہن۔سائنسداناں دا آکھنڑ ہے جو ہفتے اچ ترائے ڈینھ ورزش کرنڑ نال ڈپریشن دے عارضے اچ 16فیصد گھٹکی تھی ویندی ہے جڈاں جو ہفتہ وار ہر ودھ جسمانی ورزش نال ایں بیماری دے امکانات اچ مزید گھٹکی دا سبب بنڑ دی ہے ۔پابندی نال کیتی ونجنڑ آلی ورزش ڈپریشن دے ممکنہ مریضاں اچ ہک ہی وقت اچ جسمانی تے ذہنی ڈوہیں طرح دی صحت سانگے چنگی ہوندی ہے ۔ماہرین دا آکھنڑ ہے جو جدید تحقیق دے مطابق اے گالھ سامنڑے آئی ہے جو فارغ ویلھے اچ تسلسل دے نال کیتی ونجنڑ آلی جسمانی ورزش ڈپریشن توں بچاﺅ دا ہک چنگاں ذریعہ ہے ۔20سال توں 40سال دی وچلی عمر دے ویجھے لوک جنہاں پہلے توں کڈاہیں جسمانی ورزش نہ کیتی ہووے ،جڈاں جو پابندی نال ورزش تے سرگرمیاں اچ حصہ گھننڑ شروع کر ڈیون انہاں دیاںڈپریشن دیاں بیماریاں اچ گھٹکی تھی ویندی ہے ۔عالمی ادارہ صحت دا آکھنڑ ہے جو ڈپریشن دنیا اچ پاتے ونجنڑ آلے ذہنی عارضیں اچ ساریں توں وڈی عام بیماری ہے اتے پوری دنیا اچ 35کروڑ لوک ایندا شکار ہن ۔