امریکی حکومت گوتم بدھ دا قیمتی مجسمہ حکومت پاکستان کو ںواپس کر ڈتا پاکستانی مشن دے نائب سفیر مین ہیٹن دے ڈسٹرک اٹارنی سائرس وانس توں مجسمہ وصول کیتا

نیویارک۔ 28 اپریل (اے پی پی) امریکی حکومت گوتم بدھ دا قیمتی مجسمہ جیکوں امریکا اسمگل کیتا گیا ہائی، حکومت پاکستان کو ںواپس کر ڈتا ہے۔نیویارک وچ منعقدہ ہک سادہ تقریب وچ ایں مجسمے کوں واشنگٹن وچ پاکستانی مشن دے نائب سفیر رضوان سعید شیخ مین ہیٹن دے ڈسٹرک اٹارنی سائرس وانس توں وصول کیتا۔ رضوان سعید شیخ سیرس وینس اتے انہاں دی ٹیم دا شکریہ ادا کریندیاں آکھیا جوا یہ مجسمہ پاکستانی ثقافتی ورثے دا حصہ ہے اتے ا وہ ایندی واپسی تے امریکی حکام دے شکر گذار ہن۔سفارتکار آکھیا جو ایں مجسمے دی مالیت 10 لکھ ڈالر توں ودھ ہے اتے جڈاںتائیں ایندی پاکستان واپسی دے انتظامات مکمل نی تھیندے ایہ اتھاں حفاظتی تحویل وچ راہسی ۔انہاں آکھیا جو گوتم بدھ دے مجسمے دی واپسی نال پاکستان اتے امریکا وچال تعلقات کوں نویںجہت ملسی اتے ڈوہائیں ملکاں دے تعلقات وچ ہور ودھاراتھیسی۔ایں موقع تے نیویارک دے علاقے وچ ہیٹن دے ڈسٹرک اٹارنی پاک امریکا یاری دے تعلقات دا حوالہ ڈیندیاں آکھیا جو ایں مجسمے کوں برآمد کرتے انہاں کوں اتے انہاں دی ٹیم کوں بے حد خوشی تھئی ہے۔انہاں آکھیا جوا یہ مجسمہ اتے ایجھے نوادرات کمرشل پراپرٹی توں ودھ دی قدرو قیمت رکھیندے ہن۔ا یہ تریخ اتے ثقافت دی نمائندگی کریندے ہن اتے انہاں دا بھر پور طریقے نال تحفظ کیتا ونجنڑ چاہیدے۔انہاں آکھیا جوا یہ قدیم مجسمہ پاکستان دی پرانڑی تریخ اتے ثقافت کوں ظاہر کریندا ہے۔واضح رہوے جو اے80 دی دہائی وچ چوری تھیونڑ آلے ایں مجسمے کوںگزریل مہینے نوادارت دے جاپانی ڈیلر ایکوں اپنڑی ملکیت وچ رکھنڑ دے جرم دا اعترف کیتا ہائی۔عدالت ایکوں 5 ہزار ڈالر جرمانہ کیتا جیندے بعد ا یں بندے امریکا توں رضاکارانہ ملک بدر ی اختیار کیتی۔