ویلنگٹن۔ 28جنوری (اے پی پی)تریجھے اتے فیصلہ کن ٹی ٹوئنٹی میچ اچ پاکستان دی جیت،نیوزی لینڈ کوں ہرا تے سیریز وی ناویں کر گھدی،چھیکڑی میچ اچ نیوزی لینڈ دی ٹیم پاکستان دے 181 رنزدے جواب اچ 6 وکٹاں تے 163 رنزبنڑا سگی،شاداب خان مین آف دی میچ اتے محمد عامر سیریز دے مہاندرے کھیڈاڑی رہین،جیت دے نال ہی پاکستان نیوزی لینڈ توں ٹی ٹوئنٹی دی عالمی درجہ بندی اچ پہلی پوزیشن وی کھس گھدی اے۔ویلنگٹن اچ کھیڈیے ونجنڑ آلے ترائے میچاں دی سیریز دے تریجھے اتے فیصلہ کن میچ اچ سرفراز احمد ٹاس جیت تے پہلے بیٹنگ کیتی۔قومی ٹیم 6 وکٹاں دے نقصان تے 181 رنزبنڑائن۔ پاکستان ولوں فخر زمان 46 ، احمد شہزاد 19،بابر اعظم 18 ،کپتان سرفراز احمد 29 رنز، عمر امین دھواں دھار 21 رنز، فہیم اشرف 8 رنز بنڑائن جڈاں جو حارث سہیل 20 اتے عامر یامین 15 رنزبنڑا تے ناٹ آو ¿ٹ رہین۔ آئش سودی اتے مچل سینٹنر 2، 2 ٹرینٹ بولٹ اتے گرینڈ ہوم ہک ہک وکٹ گھدی۔جواب اچ نیوزی لینڈ دی ٹیم 6 وکٹاں تے 163 رنزبنڑا سگی۔کیوی کپتان کین ولیمسن 9 رنز، کچن 16 رنز،مارٹن گپٹل 59 رنز دی اننگز کھیڈی۔گرینڈ ہوم ہک،روز ٹیلر 25 رنز، ٹام بروس 22 رنز، سینٹنر 24 جڈاں جو بلونڈل 3 رنز بنڑا تے ناٹ آو ¿ٹ رہین۔ شاداب خان 2، محمد عامر، رومان رئیس، عامر یامین اتے فہیم اشرف ہک ہک وکٹ گھدی۔
