اسلام آباد ۔ 29 اپریل (اے پی پی) اجوکے مالی سال 2015-16ءدے پہلے نو مہینے اچ جولائی توں مارچ دے دوران پاکستان وچ کم کرنڑ آلیاں غیر ملکی کمپنیاں ولوں منافع جات دی اپنڑے ملکاں کوں منتقلی وچ 27 فیصد ودھارا تھیا ہے اتے ایں دوران غیر ملکی کمپنیاں 1.271 ارب ڈالر دی منافع جات اپنڑے اپنڑے ملکاں کوں منتقل کیتے ہن۔ سٹیٹ بینک آف پاکستان ( ایس بی پی) دی رپورٹ دے مطابق جاری مالی سال وچ جولائی توں مارچ دے دوران ملک وچ کیتی ونجنڑ آلی براہ راست غیر ملکی سرمایہ کاری دا حجم 957 ملین ڈالر ریکارڈ کیتا گیا ہے ۔ رپورٹ دے مطابق ساریں توں ودھ سرمایہ کاری توانائی دے شعبہ وچ کیتی گئی جیندا حجم 471 ملین ڈالر رہیا ہے۔ جڈانجو شعبہ توں منافع جات دی منتقلی دا حجم 159ملین ڈالر ریکارڈ کیتا گیا ہے۔ ایویں ای جاری مالی سال دے ابتدائی نو مہینے دے دوران مالیاتی شعبہ توں ساریں توں ودھ منافع جات دی منتقلی کیتی گئی ہے جیرھی 293ملین ڈالر رہی جڈانجو اجوکے سال دے ایں عرصے دے دوران شعبہ وچ 19.6 ملین ڈالر دی براہ راست غیر ملکی سرمایہ کاری کیتی گئی ہے۔ ایس بی پی دے مطابق جاری مالی سال دے دوران باہرلے ملک مقیم پاکستانیاں ولوں وی ریکارڈ ترسیلات زر کیتیاں گئیاں ہن جیندی وجہ نال حساب جاریہ دے خسارے کوں گھٹ رکھنڑ وچ مدد ملی ہے اتے اجوکے مالی سال دے پہلے نو ں مہنیاں دے دوران کرنٹ اکاﺅنٹ خسارہ 1.6ارب ڈالرتئیں گھٹ تھی گیا۔
